جوتوں سميت نماز ادا كرنے كا جواز

جى ہاں ايسا كرنا
جائز ہے، كيونكہ نبى كريم صلى اللہ عليہ وسلم نے جوتوں سميت نماز ادا كى ہے.

صحيح ميں ہے ابو سعيد رضى اللہ تعالى
عنہ بيان كرتے ہيں كہ:

” رسول كريم صلى اللہ عليہ وسلم نے
ہميں نماز پڑھائى تو آپ نے جوتے پہنے ہوئے تھے، راوى كہتے ہيں:

تو نبى كريم صلى اللہ عليہ وسلم نے
جوتے اتار ديے، تو لوگوں نے بھى اپنے جوتے اتار ديے، پھر جب نبى كريم صلى اللہ عليہ
وسلم نے نماز سے سلام پھيرا تو لوگ كہنے لگے:

اے اللہ تعالى كے رسول صلى اللہ عليہ
وسلم ہم نے آپ كو جوتے اتارتے ہوئے ديكھا تو ہم نے بھى اپنے جوتے اتار ديے.

تو رسول كريم صلى اللہ عليہ وسلم نے
فرمايا:

” ميرے پاس جبريل امين تشريف لائے
اور مجھے بتايا كہ آپ كے جوتوں ميں گندگى لگى ہوئى ہے، تو ميں نے جوتے اتار ديے،
لہذا جب تم ميں سے كوئى ايك مسجد ميں آئے تو وہ اپنے جوتے ديكھے اور اگر وہ اپنے
جوتے ميں كوئى گندگى وغيرہ ديكھے تو اسے زمين كے ساتھ رگڑ لے، مٹى ان كے ليے
پاكيزگى ہے”

ابو داود حديث نمبر ( 650 )، يا جيسا
وارد ہے.

حاصل يہ ہوا كہ جوتوں سميت نماز ادا
كرنا جائز ہے، حديث ميں ہے كہ:

” يہوديوں كى مخالفت كرو، تم اپنے
موزوں اور جوتوں ميں نماز ادا كرو”

ابو داود حديث نمبر ( 652 ).

ليكن شرط يہ ہے كہ جوتے پاك ہوں، اور
اگر جوتوں ميں گندگى وغيرہ لگى ہو انسان كو جوتوں سميت نماز ادا نہيں كرنى چاہيے،
اور اسى طرح جب جوتے گندگى اور نجاست سے پاك اور صاف ہوں تو پھر وہ جوتوں سميت مسجد
ميں داخل ہو اس كے بغير نہيں.