ايك امام نے تقريبا دو برس تك جھرى اور سرى نمازوں ميں امامت كروائى اور پھر ـ مقتديوں ميں سے ـ ايك شخص نے اس كى امامت اور لوگوں كى نماز كا باطل ہونے كى تہمت لگا ڈالى، يہ علم ميں رہے كہ يہ آخرى شخص ٹاؤن فتوى كميٹى كى جانب سے امام مقرر كيا گيا ہے، اس كميٹى نے بھى اس امام كى امامت ميں نمازيں ادا كى ہيں جسے امامت سے ناہل اور كمزور شخص قرار ديا گيا ہے، يہ كميٹى اماموں پر مشتمل ہے جس كا كام فتوى دينا ہے:
1 – قرآت ميں مزعوم لحن اور غلطياں كرنے والے شخص كى امامت كا حكم كيا ہے ؟
2 – اس شخص كى نماز كا حكم كيا ہے جس نے دو برس سے زيادہ جھرى اور سرى نمازوں ميں امامت كروائى ـ جس كى قرآت ميں غلطياں ہوں ـ اور پھر اس كى نماز باطل ہونا قرار ديا گيا ہو ؟
3 – اس آخرى شخص كى امامت كا حكم كيا ہے، اور اسى طرح ان آئمہ كرام كى امامت كا حكم كيا ہے جن كى امامت ميں نمازيں ادا كى گئيں اور پھر غلطيوں اور عدم اہليت كى بنا پر معزول كر ديا گيا ؟
قرآت ميں امام پر لحن اورغلطيوں كى تہمت لگائى جائے تو كيا اس كى اقتدا ميں ادا كى گئى نمازيں صحيح ہيں ؟
سوال: 27049
اللہ کی حمد، اور رسول اللہ اور ان کے پریوار پر سلام اور برکت ہو۔
1 – جو امام سورۃ فاتحہ ميں غلطى كرے جس سے معنى ميں تبديلى پيدا ہوتى ہو تو اس كى امامت صحيح نہيں، اس كے علاوہ ميں نماز صحيح ہے جب تك كہ وہ اپنى قرآت ميں كوئى ايسا ممنوعہ كام نہ كرے جس سے قرآن ميں تحريف ہوتى ہو، يا پھر جان بوجھ كر قرآت ميں كچھ زيادہ يا كمى كر دے تو اس طرح كے شخص كى نماز باطل ہے.
2 – جس شخص كى اقتدا ميں نمازيں ادا كى گئى ہيں جب تك اس كى نماز كے باطل ہونے كا علم نہ ہو جائے ان شاء اللہ اس كى نماز صحيح ہے.
3 – جن لوگوں نے اس پر تہمت لگا اسے امامت سے معزول كر ديا ہے اگر تو ان كا اس كى نماز باطل ہونے كا اعتقاد تھا تو ان كى نمازيں باطل ہيں وگرنہ نہيں.
ماخذ:
الشيخ عبد الكريم الخضير
ایمیل سروس میں سبسکرائب کریں
ویب سائٹ کی جانب سے تازہ ترین امور ایمیل پر وصول کرنے کیلیے ڈاک لسٹ میں شامل ہوں
سلام سوال و جواب ایپ
مواد تک رفتار اور بغیر انٹرنیٹ کے گھومنے کی صلاحیت
