قۇرئان كەرىمنى ياد قىلغان قارىنىڭ دۇنيا ۋە ئاخىرەتتىكى ئالاھىدىلىكى:  نامازدا ئالدىغا چېقىپ باشقىلارغا ئىمام بولىدۇ، ئىككى كىشىنى بىر قەبرىگە دەپنە قىلماقچى بولغاندا قەبرىگە ئىلگىرى كىرگۈزۈلۈپ قىبلە تەرىپىگە قويىلىدۇ. مەسئۇلىيەتنى ئۈستىگە ئالالىسا رەھبەرلىك ئورنىغا قۇيىلىدۇ. ئاخىرەتتىكى ئورنى بولسا ياد قىلغان ئاخىرىقى ئايەت بىلەن بولىدۇ. ئۇ كىشى جەننەتتىكى ئورنىدا ئۆزلىرىگە ھەمراھ بولغان پەرىشتىلەر بىلەن بىرگە بولىدۇ، ئۇ كىشىگە قىممەتلىك تاج ۋە ئېسىل كىيىملەر كېيدۇرىلىدۇ.

جۈمە كۈنىنىڭ ئارتۇقچىلىقى ۋە ئالاھىدىلىكى كۆپ بولۇپ،  ئاللاھ تائالا بۇ كۈننى باشقا كۈنلەردىن ئالاھىدە پەزىلەتلىك قىلدى. بۈ كۈندە نامازلارنىڭ ئەڭ ئەۋزىلى بولغان جۈمە نامىزى ئادا قىلىنىدۇ، مۇسۇلمان كىشىنىڭ جۈمە كۈنىدە جامائەت بىلەن ئادا قىلغان بامدات نامىزى باشقا كۈنلەردە ئادا قىلغان بامدات نامىزىدىن ياخشىدۇر. جۈمە كۈنىدە ياكى كېچىسىدە ۋاپات بولغان كىشى قەبرە پىتنىسىدىن خاتىرجەم بولىدۇ.

مۇھىم ئىشلاردىن: رامىزان كېلىشتىن بۇرۇن ئىنسان ياخشى ئەمەلنى قىلىش بىلەن تەييارلىق قىلىشى كېرەك، ئۆلىمالار رەجەپ ئېيىنى رامىزان ئېيىغا خاس تەييارلىق قىلىش ئېيى قىلغان، گوياكى يىل دەرەخ بولسا، ئۇنىڭ يوپۇرماقلىرى رەجەپ ئېيىدا ئاشكارا بولىدۇ، مېۋىسى شەبان ئېيىدا پىشقىلى تۇرىدۇ، كىشىلەر مېۋىنى رامىزان ئېيىدا ئالىدۇ. شۇنىڭ ئۈچۈن ئىنسان رەجەپ ئېيىدا ياخشى ئەمەل بىلەن تەييارلىق قىلىشى، ئۇنى رامىزان ئېيىدا مۇكەممەل شەكىلدە ئىلىپ كىيىشى ئۈچۈن شەبان ئېيىدا ناھايىتى ئېسىل ۋە پۇختا قىلىپ تەكشۈرۈپ تۇرۇشى كېرەك بولىدۇ.