بيوى كے ہاں ولادت كے بعد كچھ عرصہ سے ميرے اور بيوى كے مابين آئندہ حمل نہ ٹھرنے اور بچے كى پيدائش ميں وقفہ كرنے كے طريقہ كے متعلق كچھ مشكل اور اختلاف سا پيدا ہوا ہے.
اسى سلسلہ ميں بيوى مجھے كہنے لگى كہ تم اس كے بدلہ كوئى اور وسيلہ تلاش كر لو، جس سے مجھے بہت غصہ آيا اور ميں نے اسے كہا:
ميں اپنے جماع اور ہم بسترى كے حق سے دستبردار ہوتا ہوں، ليكن ميرى نيت ميں اس سے عليحدگى نہ تھى، بلكہ ميں نے يہ شدت غضب سے اسے يہ كہا تھا.
اور اب مجھے علم نہيں كہ اس كا حكم كيا ہے، اور نہ ہى اپنى نيت كے متعلق جانتا ہوں كہ اس وقت ميں كس نيت پر تھا، كيونكہ ميں وسوسہ كى بيمارى كا شكار ہوں، جس كا ميں اللہ كے تعاون سے وسوسہ كى طرف التفات نہ كر كے علاج بھى كر رہا ہوں، ليكن اب تك وسوسہ ميں مبتلا ہوں، برائے مہربانى بتائيں كہ ميں نے جو كچھ كہا ہے اس كا حكم كيا ہے اللہ آپ كو بركت سے نوازے ؟
بيوى كو ويسے ہى ہم بسترى كے حق سے دستبردار ہونے كا كہا ليكن نيت ميں عليحدگى نہ تھى
سوال: 162577
اللہ کی حمد، اور رسول اللہ اور ان کے پریوار پر سلام اور برکت ہو۔
آپ كو يہ كہنا كہ: آپ اپنے جماع كے حق سے دستبردار ہوتے ہيں.
اگر تو آپ اپنے اس قول سے نہ تو بيوى كو حرام كرنے كا اور نہ ہى اس سے جماع كرنے سے ركنا مراد لے رہے ہيں، اور اسى طرح آپ نے اس سے طلاق بھى مراد نہيں لى جيسا كہ آپ نے سوال ميں بيان بھى كيا ہے اور نہ ہى ظھار مراد ليا ہے تو آپ كے ذمہ كچھ نہيں ہے.
اور اگر آپ نے اپنے اس قول سے بيوى كو حرام كرنا اور بيوى سے جماع كرنے سے رك جانا مراد ليا تو پھر يہ ايك حلال چيز كو حرام كرنا ہے، اس ليے اس كا حكم قسم كے حكم ميں آتا ہے، اور آپ كو اس ميں قسم كا كفارہ ادا كرنا ہوگا.
اور اگر آپ نے اس سے طلاق مراد لى ہے تو يہ طلاق ہو گى يا پھر اگر ظھار مراد ليا تو يہ ظھار ہوگا.
مزيد آپ سوال نمبر ( 126458 ) كے جواب كا مطالعہ كريں، كيونكہ اس ميں بيوى كو اپنے اوپر حرام كرنے كے متعلق اور كب قسم شمار ہوگى يا طلاق يا ظھار كے بارہ ميں كلام كى گئى ہے.
اور آپ كو وسوسہ جيسى بيمارى سے بچ كر رہنا چاہيے اور اس سے اعراض كرتے ہوئے اس كے علاج معالجہ كى كوشش كريں، اور يہ علم ميں ركھيں كہ وسوسہ ميں مبتلا شخص كى طلاق اس وقت تك واقع نہيں ہوتى جب تك وہ طلاق كا ارادہ نہ كرے چاہے اس نے صريح الفاظ بھى بولے ہوں.
مزيد تفصيل كے ليے آپ سوال نمبر ( 127870 ) كے جواب كا مطالعہ ضرور كريں.
واللہ اعلم .
ماخذ:
الاسلام سوال و جواب
متعلقہ جوابات
ایمیل سروس میں سبسکرائب کریں
ویب سائٹ کی جانب سے تازہ ترین امور ایمیل پر وصول کرنے کیلیے ڈاک لسٹ میں شامل ہوں
سلام سوال و جواب ایپ
مواد تک رفتار اور بغیر انٹرنیٹ کے گھومنے کی صلاحیت
